ზუთხის ხარჩო ნიგვზით

მასალა:

ზუთხი  500გრ.

ხახვი 4 თავი

სტაფილო 1ც.

ოხრახუში 2 ძირი

ნიახური (ფესვებიანად) 2 ძირი

დაფნის ფოთოლი 1ც.

შავი პილპილის მარცვლები 5ც.

პურის ფქვილი 1 ს/კ.

ნიორი 2-3 კბილი

ხმელი ქინძი 1/2 ჩ/კ.

უცხო სუნელი 1 ჩ/კ.

კაკალი (გასუფთავებული) 1 ჭიქა

ტყემალი, პომიდორი ან ტყლაპი გემოვნებით

წიწაკა, ოხრახუში, ქინძი ან კამა და მარილი გემოვნებით.

მომზადება:

გასუფთავებული მთლიანი ზუთხი მოვხარშოთ ნახევრად, დავამატოთ 1 თავი ხახვი კანიანად, სტაფილო, ოხრახუში, ნიახური, დაფნის ფოთოლი, შავი პილპილის მარცვლები და მარილი. თევზი ამოვიღოთ ქვაბიდან და დავჭრათ პატარა ნაჭრებად, ბულიონი გავწუროთ (ხახვი, სტაფილო და ესეთი რაღაცეებისგან გავათავისუფლოთ). ბულიონს მოვხადოთ ცხიმი, ჩავასხათ სხვა ქვაბში, დავამატოთ წვრილად დაჭრილი ხახვი, კარგად მოვთუშოთ, შემდეგ დავამატოთ პურის ფქვილი, მოვურიოთ და ვთუშოთ 5 წუთის განმავლობაში. ამის შემდეგ დავასხათ ბულიონი, როდესაც ადუღდება ცავყაროთ თევზის ნაჭრები და ვხარშოთ 10 წუთი. მომზადებამდე 10 წუთით ადრე დავამატოთ დანაყილი ნიორი, ხმელი ქინძი, უცხო სუნელი, წვრილად დაჭრილი ოხრახუში, კამა, წიწაკა, ტყემალი და მარილი. შემდეგ ამოვიღოთ პატარა ჯამზე ბულიონის წვენი და გავძრათ გატარებული ნიკგოზი და ჩავუშვათ უკან ქვაბში, მოვურიოთ კარგად და კერძი მზადაა. მომზადების შემდეგ მოვაყაროთ წვრილად დაჭრილი მწვანილი გემოვნებით.