ვაშლის პიცა

მასალა:

ცომი:

პურის ფქვილი 200გრ.

მარილი 0,5 ჩ/კ.

საფუარი (დროჟი) 10გრ.

თბილი წყალი 0,5 ჭიქა

შაქარი 0,5 ჩ/კ.

მცენარეული ზეთი 1 ს/კ.

შიგთავსი:

ნიორი 1 კბილი

ზეთი 1 ს/კ.

ხმელი ქონდარი  1/4 ჩ/კ.

მოხარშული ლორი 250გრ.

ხახვი 2 თავი

ვაშლი 4ც.

კვერცხი 1ც.

პომიდორი 2ც.

გახეხილი ყველი 100გრ.

ტომატ–პასტა, შავი პილპილი და მარილი გემოვნებით.

მომზადება:

ფქვილს დავამატოთ მარილი, საფუარი, შაქარი, ზეთი, წყალი და მოვზილოთ ცომი. მომზადებული ცომი გავაბრტყელოთ თხლად და მოვათავსოთ ცხიმწასმულ გამოსაცხობ ფორმაზე. ნიორი დავჭრათ წვრილად და მოვთუშოთ ზეთში, დავამატოთ წვრილად დაჭრილი პომიდორი, მოვაყაროთ წიწაკა, ქონდარი, მარილი და კარგად ავურიოთ, ვთუშოთ კიდევ რამოდენიმე წუთი. ლორი დავჭრათ საშუალო ზომის ნაჭრებად, ხახვი დავჭრათ მრგვალად, კვერცხი და გახეხილი ყველი ავურიოთ ერთმანეთში. გაბრტყელებულ ცომს წავუსვათ ტომატ–პასტა, ფენებად მოვათავსოთ ლორი, პატარა ნაჭრებად დაჭრილი ვაშლი, მოთუშული პომიდორი, მოვასხათ კვერცხიან–ყველიანი მასა და გამოვაცხოთ გაცხელებულ აირღუმელში 40 წუთი.