ცხვრის ფეხი ტარხუნით

მასალა:

ცხვრის ფეხი 1ც.

ტარხუნის ფოთლები 3 კონა

ხახვი 6 თავი

ტყემალი 1/2 ჭიქა

მშრალი თეთრი ღვინო 400გრ.

ზეთი, ზღვის მარილი (ან ჩვეულებრივი) და შავი პილპილი გემოვნებით.

მომზადება:

ავიღოთ ცხვრის ფეხი, გავუკეთოთ ჭრილები და ამ ჭრილებში ჩავაწყოთ ტარხუნის ფოთლები, ჩავდოთ მთლიანად დიდ ქვაბში. 3  თავი ხახვი დავჭრათ წვრილად და შევწვათ ზეთში. ხორცს მოვაყაროთ ხახვი, ავიღოთ ისევ 3 თავი ხახვი, გავჭრათ შუაზე და ჩავაწყოთ ხორციან ქვაბში, თავზე მოვაყაროთ ტარხუნა (რაც უფრო მეტია უკეთესია) და ტყემალი, შემდეგ დავასხათ ღვინო, მოვაყაროთ მარილი, შავი პილპილი და ვხარშოთ 7 საათი ნელ ცეცხლზე. სურვილისამებრ გავაფორმოთ ფორთოხლით.