წიწიბურა ბოსტნეულით

მასალა:

წიწიბურა (გრეჩიხა) 1 ჭიქა

ყვავილოვანი კომბოსტო 300გრ.

პარკი ლობიო 300გრ.

მწვანე ბარდა 1/2 ქილა

ხახვი 1 თავი

სტაფილო 1ც.

ტომატ–პასტა 2 ს/კ.

მარილი გემოვნებით

ზეთი შესაწვავად.

მომზადება:

წიწიბურა მოვხარშოთ მარილიან წყალში (წყალი თუ ბოლომდე არ ჩაიშრო გადავასხათ). ყვავილოვანი კომბოსტო და პარკი ლობიო მოვხარშოთ 5 წუთის განმავლობაში მარილიან წყალში. სტაფილო და ხახვი გავასუფთავოთ, ხახვი დავჭრათ კუბიკებად, სტაფილო გავხეხოთ. შევწვათ ზეთში სტაფილო, ხახვი, ყვავილოვანი კომბოსტო, ლობიო, 10 წუთის განმავლობაში, შემდეგ დავამატოთ მოხარშული წიწიბურა, მწვანე ბარდა, ტომატ–პასტა, ავურიოთ და ცოტახანი ვთუშოთ თავდახურულ მდგომარეობაში.