თევზი მაიონეზში

მასალა:

თევზი (ნებისმიერი) 1კგ.

მაიონეზი 500გრ.

მზესუმზირის ზეთი თევზის შესაწვავად

მჭადის ფქვილი და მარილი თევზის ამოსავლებად.

სოუსი:

ნიორი 4–5 კბილი

გადადურებული წყალი დაახლოებით 1 ჭიქა

დაფქვილი წითელი ცხარე წიწაკა, მარილი, ხმელი ქინძი, ყვითელი ყვავილი გემოვნებით.

მომზადება:

თევზი გავრეცხოთ, დავჭრათ საშუალო ზომის ნაჭრებად, ამოვავლოთ სიმინდის ფქვილში, შევწვათ ზეთში ორივე მხრიდან, გადმოვიღოთ სასურველ ჭურჭელში თავის ცხიმიანად და მოვასხათ მომზადებული მაიონეზის სოუსი.

მაიონეზის სოუსის მომზადება:

ჯამში ჩავასხათ მაიონეზი, დავამატოთ წიწაკა, ხმელი ქინძი, ყვითელი ყვავილი, დანაყილი ნიორი, მარილი, დავასხათ წყალი და კარგად გავძრათ ერთიანი მასის მიღებამდე.