თევზი ბეკონით

მასალა:

თევზის ფილე 600გრ.

ბეკონი 200გრ.

ყველი 200გრ.

ხახვი 3 თავი

მაიონეზი 150გრ.

მოხარშული კარტოფილი (მთლიანი)1კგ.

ლიმონის წვენი, ქინძი, კამა, ხმელი სუნელები (ქინძი და სხვა), პილპილი და მარილი გემოვნებით.

პომიდორი გასაფორმებლად

მომზადება:

გამოსაცხობ ფორმაზე მოვაწყოთ ნახევარმთვარისებურად დაჭრილი ხახვი, წავუსვათ მაიონეზის ნახევარი. თევზის ფილე დავჭრათ საშუალო ზომის ნაჭრებად, მოვაყაროთ სუნელები, მარილი, პილპილი, მოვაწუწოთ ლიმონის წვენი და თევზი მოვათავსოთ მაიონეზის ზემოდან, თევზზე მოვათავსოთ პატარა ნაჭრებად დაჭრილი ბეკონი, ფორმის კიდეებზე დავაწყოთ მოხარშული კარტოფილი, წავუსვათ მაიონეზი, მოვაყაროთ გახეხილი ყველი და შევდგათ აირღუმელში 30–40 წუთით. მომზადების შემდეგ გავაფორმოთ პომიდორით და მწვანილით.