ტორტი „სამი ბრძენი"
მასალა:
ცომი:
პურის ფქვილი 1 ჭიქა
მოხარშული სგუშონი 1 ქილა
კვერცხი 2ც.
გამაფხვიერებელი 1 ჩ/კ.
კრემი:
მოხარშული სგუშონი 1 ქილა
ნაღები 500მლ.
ნიგოზი და ნუში გემოვნებით.
მომზადება:
სგუშონი ავთქვიფოთ კვერცხთან ერთად დაახლოებით 5 წუთი, დავამატოთ
გაცრილი ფქვილი, გამაფხვიერებელი და კარგად ავურიოთ ხელის სათქვეფით ერთიანი მასის
მიღებამდე. (ცომი უნდა გამოვიდეს ალადის ცომზე ოდნავ სქელი). მომზადებული ცომი
გავყოთ სამ ტოლ ნაწილად. გამოსაცხობ ფორმაში ჩავაფაროთ პერგამენტის ქაღალდი,
წავუსვათ კარაქი, ჩავასხათ მომზადებული ცომი (ცომის სამივე ნაწილი გამოვაცხოთ
ცალცალკე), შევდგათ აირღუმელში და ვაცხოთ 180–200* ტემპერატურაზე დაახლოებით 10–15
წუთი.
კრემის მომზადება:
ნაღები ავთქვიფოთ, ნელნელა დავამატოთ
სგუშონი და ვთქვიფოთ მიქსერით ერთიანი მასის მიღებამდე.
ტორტის აწყობა:
მომზადებულ ფირფიტას წავუსვათ კრემი, მოვაყაროთ მოხალული დაჭრილი
ნიგოზი, დავაფაროთ მეორე ფირფიტა, კვლავ წავუსვათ კრემი, მოვაყაროთ ნიგოზი,
დავაფაროთ მესამე ფირფიტა, წავუსვათ კრემი, მოვაყაროთ დაჭრილი ნიგოზი, ნუში და
გავაფორმოთ მთლიანი ნუშით და ნიგვზით. ტორტი შევდგათ მაცივარში ერთი დღით.
|
