ტორტი „პრაღა"

მასალა:

არაჟანი 200გრ.

სგუშონი 1/3 ქილა

კვერცხი 3ც.

შაქარი 100გრ.

გამაფხვიერებელი 1,5 ჩ/კ.

პურის ფქვილი 2 ჭიქა ან 270გრ.

კაკაო 2–3 ს/კ.

კრემი:

კარაქი 200გრ.

კაკაო 1–2 ს/კ.

სგუშონი 1 ქილა

დასანამი:

წყალი 60მლ.

შაქარი 1 ს/კ.

კონიაკი 1 ს/კ.

მინანქარი (გლაზური):

კაკაო 8 ჩ/კ.

რძე 150მლ.

შაქარი 150გრ.

კარაქი 100გრ.

მომზადება:

არაჟანი და სგუშონი ავურიოთ ერთმანეთში. ფქვილს ავურიოთ კაკაო და გამაფხვიერებელი. კვერცხი ავთქვიფოთ შაქართან ერთად გათეთრებამდე, დავამატოთ არაჟანი+სგუშონი, ფქვილი+კაკაო+გამაფხვიერებელი, ავთქვიფოთ მიქსერით, ნელ სიჩქარეზე. მომზადებული ცომი გავყოთ სამ ტოლ ნაწილად. გამოსაცხობ ფორმაში ჩავაფაროთ პერგამენტის ქაღალდი, წავუსვათ კარაქი, ჩავასხათ მომზადებული ცომი (ცომის სამივე ნაწილი გამოვაცხოთ ცალცალკე), შევდგათ აირღუმელში და ვაცხოთ 180–200* ტემპერატურაზე დაახლოებით 10–15 წუთი. (ფირფიტის მზადყოფნა შევამოწმოთ ასანთის ღერით, თუ ასანთის ღერს ცომი არ ეკრობა ესეიგი ფირფიტა მზად არის).

კრემის მომზადება:

დარბილებული კარაქი ავთქვიფოთ კაკაოსთან ერთად, დავამატოთ სგუშონი და კვლავ ავთქვიფოთ ერთიანი მასის მიღებამდე. 

დასანამის მომზადება:

შაქარს დავასხათ ადუღებული წყალი და გავაცივოთ, შემდეგ დავამატოთ კონიაკი. (დასანამის რაოდენობა შეგვიძლია გავზარდოთ სურვილისამებრ).

მინანქარის (გლაზურის) მომზადება:

კაკაოს დავამატოთ რძე, შაქარი, ავურიოთ და ვხარშოთ 25 წუთი, ხარშვის ბოლოს დავამატოთ კარაქი და კარგად ავურიოთ.

ტორტის აწყობა:

თითოეულ გაცივებული ფირფიტა დავნამოთ და წავუსვათ კრემი, ბოლო ფენა დავნამოთ, წავუსვათ კრემი და მოვასხათ გაცივებული გლაზური (გლაზური დავასხათ ტოტრის ცენტრში და დანით მოვუსწოროთ თავი და გვერდები). (გლაზურის ნაწილი შევინახოთ საყინულეში და როდესაც გაიყინება ცოტათი ავთქვიფოთ და მოსართავი საშუალებით მოვრთოთ ტორტი).