ტორტი „ქალის თითები"
მასალა:
ცომი:
წყალი 1 ჭიქა
პურის ფქვილი 1 ჭიქა
კარაქი ან მარგარინი 100გრ.
კვერცხი 4ც.
ცოტა მარილი.
კრემი:
კვერცხი 3ც.
შაქარი 1,5 ჩ/ჭ.
ფქვილი 6 ს/კ.
კარაქი 200გრ.
რძე 1,5ლ.
ვანილი 1ც.
მინანქარი (გლაზური):
რძე 3 ს/კ.
შაქარი 3 ს/კ.
კაკაო 3 ს/კ.
კარაქი 50გრ.
ვანილი გემოვნებით.
მომზადება:
ქვაბში ჩავასხათ წყალი, კარაქი, მარილი, ავადუღოთ, დავამატოთ ფქვილი
და სწრაფად ავურიოთ. მოვამზადოთ ცომი, გადმოვდგათ გაზქურიდან, ცოტათი გავაცივოთ,
ავთქვიფოთ კვერცხი და ყველაფერი კარგად ავურიოთ. გამოსაცხობ ფორმაზე, დავაფაროთ
პერგამენტის ქაღალდი და მოსართავი ფორმის საშუალებით მომზადებული ცომი მოვათავსოთ
პატარა ფორმებად, შევდგათ აირღუმელში და გამოვაცხოთ მომზადებამდე. გამოცხობის
შემდეგ, თითოეული ნამცხვარი გავჭრათ შუაზე, მოვათავსოთ სასურველ ფორმაში, მოვასხათ
მოხარშული კრემი, შევდგათ მაცივარში 1 ღამით, შემდეგ გამოვიღოთ მაცივრიდან,
გადმოვაბრუნოთ თეფშზე და მოვასხათ გლაზური.
კრემის მომზადება:
კვერცხის გულისა და შაქრისაგან გავაკეთოთ
გოგლი–მოგლი, დავამატოთ ფქვილი, ადუღებული რძე და კარგად ავთქვიფოთ მიქსერით,
დავდგათ ნელ ცეცხლზე და მივიყვანოთ ადუღებამდე. დუღილისას კრემს ვურევთ
განუწყვეტლივ ხის კოვზით. შემდეგ გადმოვდგათ გაზქურიდან, გავაცივოთ, დავუმატოთ მიქსერით
ათქვეფილი კარაქი, ვანილი და კვლავ ავთქვიფოთ.
მინანქარის (გლაზურის) მომზადება:
შაქარს დავამატოთ კაკო, რძე და წამოვადუღოთ, შემდეგ გადმოვდგათ
ავურიოთ კარაქი და ვანილი.
|
