ტკბილი ფლავი

მასალა:

გრძელი ბრინჯი 2 ჭიქა

კომში 2ც.

გარგარის ჩირი 1 ჭიქა

ქიშმიში 1 ჭიქა

კარაქი 200გრ.

შაქარი 1 ჭიქა

დარიჩინი ცოტა (1/5 ჩ/კ.).

მომზადება:

ბრინჯი მოვხარშოთ ისე რომ ძალიან არ გადაიხარშოს. გადმოვიღოთ დუშლაკზე, გადავავლოთ ცივი წყალი და გავაჩეროთ დუშლაკზე რათა მოშორდეს ზედმეტი წყალი. გარგარის ჩირი გავრეცხოთ, გავაშროთ (გასაშრობად დავაწყოთ სალფეთქზე), თუ ჩირი დიდია შეგვიძლია გავჭრათ შუაზე. ქიშმიში გავრეცხოთ, დავასხათ ცხელი წყალი, წყალი გადავწუროთ, ხოლო ქიშმიში ასევე გავაშროთ სალფეთქზე. კომში გავრეცხოთ, გავასუფთავოთ (კურკები გამოვაცალოთ) და დავჭრათ დაახლოებით გარგრის ჩირის ზომის ნაჭრებად. ქვაბში გავადნოთ კარაქი, ფრთხილად ჩავაწყოთ გარგარის ჩირი, ქიშმიში, კომში და ვწვათ 5 წუთის განმავლობაში, განუწყვეტლივ ვურიოთ ხის ჯოხით, 5 წუთის შემდეგ დავამატოთ შაქარი და ვწვათ კიდევ 10 წუთი, სანამ გარგარი და ქიშმიში არ გაიბერება, როდესაც ხილი გახდება ოქროსფერ–ყავისფერი, დავამატოთ დარიჩინი, ავურიოთ და ჩავყაროთ მოხარშული ბრინჯი, გაზქურა გამოვრთოთ და ფრთხილად ამოვურიოთ ფლავს. სუფრაზე გავიტანოთ ცხლად. (ზემოთ აღნიშნულ ხილთან ერთად, ფლავში შეგვიძლია დავამატოთ შავი ქლიავის ჩირი, ახალი ვაშლი და სხვა ხილი).