ტორტი „ტკბილი ვალენტინი"

მასალა:

პურის ფქვილი 160გრ.

კვერცხი 6ც.

შაქარი 100გრ.

თაფლი 4 ს/კ.

კარაქი 50გრ.

სოდა 1 ჩ/კ.

კაკაო 2–3 ს/კ.

კრემი:

კვერცხი 2ც.

შაქარი 250გრ.

კარაქი 200გრ.

ვანილი გემოვნებით.

კრემი (მეორე ვარიანტი):

ნაღები 300მლ.

შაქარის პუდრა 70გრ.

ვანილი გემოვნებით.

დასანამი:

ალუბლის სიროფი ან ნებისმიერი ტკბილი სითხე.

მოსართავი:

გახეხილი შოკოლადი და  ქოქოსის ფანტელები (წითელი)

მომზადება:

კვერცხი და შაქრი ავთქვიფოთ მიქსერით, დავამატოთ თაფლი, შემდეგ კარაქი და ვთქვიფოთ მასა 10 წუთი, დავამტოთ ფქვილი (ფქვილს წინასწარ ავურიოთ სოდა და კაკაო) და კარგად მოვურიოთ ცომს.  ცომი გავყოთ 4 ტოლ ნაწილად. გამოსაცხობ ფორმაში ჩავაფაროთ პერგამენტის ქაღალდი, წავუსვათ კარაქი, ჩავასხათ მომზადებული ცომი (ცომის ოთხივე ნაწილი გამოვაცხოთ ცალცალკე), შევდგათ აირღუმელში და ვაცხოთ 180–200* ტემპერატურაზე დაახლოებით 10–15 წუთი.

კრემის მომზადება:

კვერცხი ავთქვიფოთ შაქართან ერთად მიქსერით, დავამატოთ ვანილი, დარბილებული კარაქი და კვლავ ავთქვიფოთ ერთიანი მასის მიღებამდე.

კრემის მეორე ვარიანტის მომზადება:

გაცივებული ნაღები კარგად ავთქვიფოთ შაქრის პუდრასთან და ვანილთან ერთად მიქსერით.

ტორტის აწყობა:

სასურველ ფორმაზე დავდოთ გამომცხვარი ბისკვიტი, შემდეგ დავნამოთ, წავუსვათ კრემი, დავაფაროთ მეორე ფირფიტა, დავნამოთ და კვლავ წავუსვათ კრემი, ასევე ვკრემავთ დანარჩენ 2 ფირფიტასაც, ბოლო ფენას როდესაც წავუსვამთ კრემს, კრემი წავუსვათ ტორტს ირგვლივაც და მოვაყაროთ გახეხილი შოკოლადი და ქოქოსის ფანტელები.