ტორტი ბერძნული სნიკერსი

მასალა:

ფირფიტა:

კვერცხი 3ც.

შაქარი 1 ს/კ.

არაჟანი 3 ს/კ.

სოდა 1 ჩ/კ. ათქვეფილი 1 ს/კ. ძმრით.

მარგარინი 150გრ.

კაკაო 3 ს/კ.

პურის ფქვილი 1.5 ჭიქა

შიგთავსი:

ყავისფერი ორცხობილა (კრეკერი) 2 პაჩკა

მოხარშული სგუშონი 500გრ.

კარაქი 200გრ.

ნიგოზი 300გრ.

შაქრის პუდრა გასაფორმებლად.

მომზადება:

კვერცხი ავთქვიფოთ შაქართან ერთად მიქსერით, დავამატოთ გამდნარი მარგარინი, კაკაო, არაჟანი, ფქვილი, სოდა–ძმრით და კარგად ავთქვიფოთ მიქსერით. მომზადებული ცომისგან გამოვაცხოთ 2 ფირფიტა ცხიმწასმულ გამოსაცხობ ფორმაზე. კარაქი ავთქვიფოთ მიქსერით, დავამატოთ წვრილად დაჭრილი ნიგოზი, დაფხვნილი ორცხობილა (კრეკერი), სგუშონი და კვლავ ავთქვიფოთ მიქსერით. მომზადებული შიგთავსი მოვათავსოთ გამომცხვარ ფირფიტაზე, შემდეგ დავაფაროთ მეორე ფირფიტა და თავზე მოვაყაროთ შაქრის პუდრა.