სტაფილოს და ნუშის ტორტი

მასალა:

ცომი:

პურის ფქვილი 250გრ.

კარაქი 100გრ.

შაქრის პუდრა 70გრ.

მცენარეული ზეთი 100მლ.

კვერცხი 4ც. (კვერცხი და ცილა განვაცალკევოთ)

1/2 ლიმონის ცედრა (გახეხილი ლიმონის კანი)

გამაფხვიერებელი 1/2 პაჩკა

დაფქვილი ნუში 125გრ.

გახეხილი სტაფილო 125გრ.

ლიმონის წვენი 1 ჩ/კ.

კრემი:

რძე 250გრ.

კარაქი 160გრ.

პურის ფქვილი 30გრ.

შაქარი 100გრ.

ვანილი გემოვნებით.

მინანქარი (გლაზური):

შოკოლადი 120გრ.

კარაქი 30გრ.

მომზადება:

კარაქი ავთქვიფოთ შაქრის პუდრასთან ერთად, ნელნელა დავამატოთ კვერცხის გული, ზეთი და ლიმონის ცედრა, კარგად ავურიოთ დავამატოთ გაცრილი ფქვილი გამაფხვიერებელში არეული, გახეხილი სტაფილო, დაფქვილი ნუში და კარგად ავურიოთ. შემდეგ ცალკე ჯამში კვერცხის ცილა ავთქვიფოთ გათეთრებამდე, დავამატოთ ლიმონის წვენი, კარგად ავურიოთ და მომზადებული მასა ნელნელა გადავურიოთ ცომს. გამოსაცხობ ფორმას წავუსვათ კარაქი, მოვაყაროთ ფქვილი, მოვათავსოთ ფორმაზე მომზადებული ცომი, შევდგათ აირღუმელში და ვაცხოთ 180* ტემპერატურაზე 35 წუთი (ან რამდენიც დასჭირდება).

კრემის მომზადება:

30 გრამ კარაქში შევწვათ პურის ფქვილი, დავასხათ რძე, განუწყვეტლივ ვურიოთ, ვხარშოთ სქელი მასის მიღებამდე, შემდეგ გადმოვდგათ გაზქურიდან და გადავურიოთ დარჩენილი კარაქი (კარაქი ავთქვიფოთ შაქართან და ვანილთან ერთად). 

მინანქრის (გლაზურის) მომზადება:

შოკოლადი გავადნოთ წყლის აბაზანაზე (ან ნელ ცეცხლზე) კარაქთან ერთად.

ტორტის აწყობა:

გამომცხვარი ფირფიტა გავჭრათ ორ ნაწილად შუაზე, შუაში წავუსვათ კრემი, დავაფაროთ მეორე ნაწილი, წავუსვათ კრემი და მოვასხათ მინანქარი (გლაზური).