სიმინდის მარცვლები ნიგვზით

მასალა:

სიმინდის მარცვლები 400–500გრ.

ნიგოზი 1/2 ჭიქა

ნიორი 1–2 კბილი

ქინძი 5–6 ძირი

წითელი წიწაკა 1ც.

წითელი ღვინის ძმარი 2 ს/კ.

მარილი გემოვნებით.

მომზადება:

სიმინდის მარცვლები მოვხარშოთ, შემდეგ წყალი გადავწუროთ და სიმინდი გადმოვიღოთ სასურველ ჭურჭელში. ნიგოზი გავატაროთ ნიორთა ერთად ხორცსაკეპმანქანაში, მოვაყაროთ მარილი და გავძრათ 1/4 ჭიქა ადუღებული წყლით (მასა უნდა იყოს არაჟნის კონსისტენციის), შემდეგ დავამატოთ ძმარი, წვრილად დაჭრილი ქინძი, მრგვალად დაჭრილი წიწაკა, კარგად ავურიოთ და მოვასხათ სიმინდის მარცვლებს. გავაჩეროთ 2–3 საათი, გავაფორმოთ მწვანილით და სუფრაზე გავიტანოთ ცივად.