სახლის პიცა
მასალა:
პურის ფქვილი 1 ჭიქა
ძეხვი 100გრ.
ტომატ–პასტა 100გრ.
ხახვი 1 თავი
ნიორი 5–7 კბილი
ყველი 100გრ.
საფუარი (დროჟი) 10გრ.
წიწაკა და მარილი გემოვნებით
ზეთი შესაწვავად.
მომზადება:
ადურებულ წყალში (150გრ.) დავამატოთ მარილი, საფუარი, კარგად ავურიოთ,
შემდეგ ნელ–ნელა შევაზილოთ ფქვილი და მოვზილოთ ცომი. ცომს გადავაფაროთ ტილო და
დავდგათ თბილ ადგილას 1 საათით. ტაფაზე ზეთში მოვშუშოთ წვრილად დაჭრილი ნიორი,
დავამატოთ წვრილად დაჭრილი ხახვი, როდესაც ხახვი დარბილდება, დავასხათ
ტომატ–პასტა, მოვაყაროთ მარილი, წიწაკა, დავასხათ ცოტა წყალი, გავაჩეროთ გაზქურაზე
5 წუთი, შემდეგ გადმოვდგათ და გავაცივოთ. მომზადებული ცომი გავაბრტყელოთ,
მოვათავსოთ ცხიმწასმულ გამოსაცხობ ფორმაზე, წავუსვათ მომზადებული გაცივებული
სოუსი, დავაწყოთ მრგვალად დაჭრილი ზეხვი, მოვაყაროთ გახეხილი ყველი და გამოვაცხოთ
აირღუმელში 220* ტემპერატურაზე 15–20 წუთის განმავლობაში.
|
