პიცა „იტალიანო"
მასალა:
ცომი (2 პიცისთვის):
პურის ფქვილი 3 ჭიქა
კვერცხი 1ც.
წყალი 1 ჭიქა
ძმარი 3 ს/კ.
ზეთი 3 ს/კ.
მარგარინი 300გრ.
შიგთავსი (2 პიცისთვის):
ყველი (Пармезан) 200გრ.
ყველი (Рикотта) 150გრ.
პომიდორი 2ც.
მწვანე ბულგარული წიწაკა 1ც.
წითელი ბულგარული წიწაკა 1ც.
ზეთი 4 ს/კ.
შავი პილპილი, კამა, ოხრახუში და მარილი გემოვნებით.
მომზადება:
კვერცხი ავთქვიფოთ, დავასხათ წყალი (ოთახის ტემპერატურის), ძმარი,
ზეთი, დავაყაროთ ფქვილი და მოვზილოთ მაგარი ცომი. ცომი გავყოთ 2 ნაწილად, თითოეული
ნაწილი გავაბრტყელოთ, წავუსვათ 50გრ. მარგარინი, დავკეცოთ კონვერტისებურად და
შევინახოთ მაცივარში (საყინულეში) 15–20 წუთი, ეს პროცედურა გავიმეოროთ სამჯერ.
მომზადებული ცომის 1 ნაწილი გამოვიღოთ საყინულიდან, გავაბრტყელოთ მოვათავსოთ
გამოსაცხობ ფორმაზე, წავუსვათ ზეთი, მოვაყაროთ გახეხილი ყველი (Пармезан),
მოვაყაროთ დაჭრილი მწვანილები, შემდეგ ერთ მხარეზე, სიგრძეზე მოვათავსოთ კუბიკებად
დაჭრილი მწვანე ბულგარული წიწაკა, მეორე
მხარეზე მოვათავსოთ კუბიკებად დაჭრილი წითელი ბულგარული წიწაკა და კანგაცლილი
პომიდორი, ხოლო შუაში მოვათავსოთ კუბიკებად დაჭრილი ყველი (Рикотта). ისე
რომ მივიღოთ იტალიური დროშის გამოსახულება. ბოსტნეულის მხარეს მოვაყაროთ მარილი, პილპილი,
გადავუკეცოთ ცომს გვერდები და გამოვაცხოთ აირღუმელში 180–200* ტემპერატურაზე
დაახლოებით 20 წუთის განმავლობაში. (მეორე პიცაც ასევე მოვამზადოთ).
|
