პრასი ნიგვზის სოუსით
მასალა:
პრასი 500გრ.
ნიგოზი 1 ჭიქა
ნიორი 3–4 კბილი
ქინძი 50გრ.
მწვანე ცხარე წიწაკა 1ც.
ბროწეულის წვენი 4 ს/კ.
მარილი გემოვნებით.
მომზადება:
პრასი გავრეცხოთ, თითოეულს მოვაშოროთ ერთი დიდი მწვანე ღერო, შემდეგ
პრასი ჩავჭრათ შუაზე (რათა შემდეგ გადმოვკეცოთ). ადუღებულ წყალში ჩავყაროთ მომზადებული
პრასი და მოჭრილი პრასის გრძელი ღერო, ვხარშოთ სახურავის გარეშე 10 წუთი, შემდეგ
პრასის გრძელი ღერო ამოვიღოთ ქვაბიდან, ხოლო დანარჩენის ხარშვა გავაგრძელოთ კიდევ
20–30 წუთი სანამ მთლიანად არ დარბილდება, შემდეგ გადმოვიღოთ დუშლაკზე და
გავაცივოთ. გაცივების შემდეგ პრასის გაჭრილი გვერდები გადმოვკეცოთ თეთრი ნაწილის
(თავის) ირგვლივ და შევკრათ პრასის მწვანე ღეროთი. ნიგოზი და ნიორი გავატაროთ, მოვაყაროთ მარილი, გავძრათ 1/2 ჭიქა თბილს
წყალში არაჟნის კონსისტეციამდე, შემდეგ დავასხათ ბროწეულის წვენი, დავამატოთ დაჭრილი
ქინძი და კარგად ავურიოთ. მომზადებული სოუსი მოვასხათ გამზადებულ პრასს ზევიდან
მოვაყაროთ მრგვალად დაჭრილი წიწაკა. გავაჩეროთ 2–3 საათი. სუფრაზე გავიტანოთ
ცივად.
|
