პიცა თინუსით

მასალა:

ცომი:

პურის ფქვილი 250გრ.

თბილი წყალი 250მლ.

საფუარი (დროჟი) 2 ჩ/კ.

შაქარი 1/2 ჩ/კ.

ზეთი 2 ს/კ.

მარილი 1 ჩ/კ.

შიგთავსი:

ერთი ქილა თინუსი (тунец) ზეთიანი

ხახვი 1 თავი

ბულგარული წიწაკა 1ც.

მწვანე და შავი ზეთისხილი

ყველი (მოცარელა) 300–400გრ.

ხმელი ტარხუნა, ხმელი ორეგანო, ნიორი, ტომატ–პასტა შავი პილპილი გემოვნებით.

მომზადება:

საფუარი გავძრათ თბილ წყალში, დავამატოთ შაქარი, როცა საფუარი აქაფდება დავამატოთ ზეთი, მარილი, ფქვილი და მოვზილოთ ელასტიური, რბილი ცომი. ცომი მოვათავსოთ პარკში და შევდგათ მაცივარში (საყინულეში) 40 წუთით. მომზადებული ცომი გავაბრტყელოთ, მოვათავსოთ ცხიმწასმულ გამოსაცხობ ფორმაზე, წავუსვათ ტომატ–პასტა, მოვაწყოთ დაჭრილი ყველი, მრგვალად დაჭრილი ხახვი და ბულგარული წიწაკა, შემდეგ ჩანგლით აზელილი თევზი, მოვაწყოთ ზეთისხილი, მოვაყაროთ, ორეგანო, ტარხუნა, შავი პილპილი და გამოვაცხოთ აირღუმელში 220* ტემპერატურაზე 20–25 წუთის განმავლობაში.