პიცა თეთრ სოუსში

მასალა:

ცომი:

კვერცხი 1ც.

კარაქი 50გრ.

შაქარი 1 ჩ/კ.

მარილი 1 ჩ/კ.

საფუარი (დროჟი)1 ჩ/კ.

წყალი 100გრ.

რძე 100გრ.

პურის ფქვილი რასაც შეიზელს.

სოუსი:

მაიონეზი 2 ს/კ.

არაჟანი 2 ს/კ.

მდოგვი 1 ჩ/კ.

ნიორი 1 კბილი

ლიმონის წვენი 1 ჩ/კ.

შავი პილპილი გემოვნებით.

შიგთავსი:

ყველი 200გრ.

მოხარშული ძეხვი 100გრ.

შებოლილი ძეხვი 50გრ.

ხახვი 1 თავი

ზეთისხილი 50გრ.

პომიდორი 1ც.

მომზადება:

კვერცხი ავთქვიფოთ, დავამატოთ გამდნარი კარაქი, მარილი, საფუარი, შაქარი და კარგად ავურიოთ, შემდეგ დავამატოთ ცოტათი გაცხელებული რძე და წყალი ავურიოთ, ჩავყაროთ ფქვილი, მოვზილოთ ცომი(ცომს უნდა ჰქონდეს პილმენის ცომის მაგვარი კონსისტენცია) დავაფაროთ ტილო და დავდგათ თბილ ადგილზე დაახლოებით 1 საათით ამოსასვლელად. ამ დროის განმავლობაში მოვამაზადოთ სოუსი: მაიონეზს დავამატოთ არაჟანი, მდოგვი, დანაყილი ნიორი, ლიმონის წვენი, შავი პილპილი და კარგად ავურიოთ. შემდეგ მოვამზადოთ შიგთავსი: ყველი გავხეხოთ, ზეთისხილი დავჭრათ მრგვალად, ძეხვი დავჭრათ წვრილ ხაზებად, პომიდორი დავჭრათ კუბიკებად, ხახვი ნახევარმთავრისებურად. ამოსული ცომი გავაბრტყელოთ თხლად, მოვათავსოთ გამოსაცხობ ფორმაზე, ჩანგლით ჩავჩხვლიტოთ რამოდენიმე ადგილზე, შემდეგ წავუსვათ მომზადებული სოუსი, მოვაყაროთ გახეხილი ყველი (დაახლოებით 150გრ), ყველზე მოვათავსოთ ძეხვი, ძეხვზე–ხახვი, ხახვზე–ზეთისხილი, ზეთისხილზე–პომიდორი, ხოლო პომიდორზე შებოლილი ძეხვი, მოვაყაროთ დარჩენილი ყველი და გამოვაცხოთ გაცხელებულ აირღუმელში 20 წუთის განმავლობაში.