პიცა „სახალხო"
მასალა:
ცომი:
პურის ფქვილი 0,5კგ.
საფუარი (დროჟი) 0,5 პაჩკა
მარილი 0,5 ჩ/კ.
შაქარი 1 ს/კ.
წყალი ან რძე 1 ჭიქა.
შიგთავსი:
სოკო (შამპინიონი, ქამა) 200გრ.
სოსისი 200გრ.
ძეხვი 200გრ.
დამარინადებული კიტრი 3ც.
სტაფილო 1ც.
ტომატ–პასტა, მაიონეზი და ყველი გემოვნებით.
მომზადება:
ფქვილს დავამატოთ
საფუარი, მარილი, შაქარი, წყალი (ან რძე) და მოვზილოთ ცომი. მომზადებული ცომი დავდგათ
თბილ ადგილზე ამოსასვლელად. კიტრი დავჭრათ წვრილ კუბიკებად. სტაფილო გავასუფთავოთ
და გავხეხოთ. ძეხვი და სოსისი დავჭრათ კუბიკებად. სოკო დავჭრათ სქელ ნაჭრებად,
მოვთუშოთ ცალკე ტაფაზე ცოტათი. სტაფილო და კიტრი შევწვათ ზეთში. მომზადებული ცომი
გავაბრტყელოთ თხლად, მოვათავსოთ ცხიმწასმულ გამოსაცხობ ფორმაზე, ცომზე მოვათავსოთ
ძეხვი, შემდეგ სტაფილო–კიტრით, შემდეგ სოსისი, წავუსვათ ტომატ–პასტა, დავაწყოთ
მოთუშული სოკო, შემდეგ ცომს გადავუკეცოთ გვერდები, მოვასხათ მაიონეზი, მოვაყაროთ
გახეხილი ყველი და გამოვაცხოთ გაცხელებულ აირღუმელში 20–30 წუთის განმავლობაში.
|
