პიცა „რუსი მარგარიტა"

მასალა:

ცომი:

პურის ფქვილი დაახლოებით 2 ჭიქა

წყალი 250მლ.

მარილი 1 ჩ/კ.

შაქარი 2 ჩ/კ.

საფუარი (დროჟი) 1 ჩ/კ.

მცენარეული ზეთი 2 ს/კ.

შიგთავსი:

ტომატ–პასტა 2 ს/კ. (ან პომიდროი 2ც.)

ლორი 100გრ.

დამარინადებული კიტრი 100გრ.

სოკო (შამპინიონი, ქამა) 100გრ.

ხახვი 1 თავი

რეჰანი ნახევარი კონა.

მომზადება:

საფუარი გავძრათ თბილ წყალში, დავამატოთ შაქარი, როცა საფუარი აქაფდება დავამატოთ ზეთი, მარილი, ფქვილი და მოვზილოთ ელასტიური, რბილი ცომი. ცომი მოვათავსოთ პარკში და შევდგათ მაცივარში (საყინულეში) 40 წუთით. მომზადებული ცომი გავაბრყყელოთ და მოვათავსოთ ცხიმწასმულ გამოსაცხობ ფორმაზე, წავუსვათ ტომატ–პასტა, მოვაწყოთ პატარა ზომის ნაჭრებად დაჭრილი კიტრი და ლორი. ხახვი დავჭრათ და შევწვათ ზეთში, დავამატოთ დაჭრილი სოკო და შევწვათ რამოდენიმე წუთი, გავაცივოთ, შემდეგ მოვაყაროთ პიცას, ყველი გავხეხოთ, ყველის ნახევარი მოვაყაროთ პიცას და შევდგათ აირღუმელში 15 წუთით (რათა ყველი ცოტათი გადნეს). შემდეგ პიცა გამოვიღოთ აირღუმელიდან, მოვაყაროთ წვრილად დაჭრილი რეჰანი, დარჩენილი გახეხილი ყველი და კვლავ შევდგათ აირღუმელში 20 წუთით.