პიცა „ლიგურად"

მასალა:

ცომი:

პურის ფქვილი 400გრ.

საფუარი (დროჟი) 20გრ.

მარგარინი 100გრ.

წყალი 1/2 ჭიქა

რძე 1/3 ჭიქა

შიგთავსი:

პომიდორი 600გრ.

თევზი ქაშაყი (ძვლისგან გასუფთავებული) 4 ნაჭერი

ხახვი 1 თავი

ნიორი 2 კბილი

შავი ზეთისხილი 12ც.

მცენარეული ზეთი შესაწვავად.

ყველი, რეჰანი დაფქვილი წითელი წიწაკა და მარილი გემოვნებით

მომზადება:

კარგად ავურიოთ ერთმანეთში ფქვილი, მარგარინი, წყალი და საფუარი რძეში გახსნილი, მოვზილოთ ცომი და დავდგათ თბილ ადგილზე 2 საათით. ხახვი დავჭრათ წვრილად დაშევწვათ ზეთში, დავამატოთ კანგაცლილი, წვრილად დაჭრილი პომიდორი, მოვაყაროთ მარილი და ვთუშოთ 30 წუთი, შემდეგ გადმოვდგათ გაზქურიდან, დავამატოთ წვრილად დაჭრილი რეჰანი და ქაშაყის ნაჭრები. მომზადებული ცომი გავაბრტყელოთ, მოვათავსოთ ცხიმწასმულ ტაფაზე (ისე რომ ცომი გადმოვიდეს ტაფის ირგვლივ), შემდეგ ცომზე მოვათავსოთ მომზადებული შიგთავსი, დავამატოთ დაჭრილი ნიორი, მოვაწყოთ ზეთისხილი, მოვაყაროთ წითელი წიწაკა, გახეხილი ყველი და ცომის გვერდები კარგად გადავკეცოთ. გამოვაცხოთ საშუალო ტემპერატურაზე აირღუმელში 40 წუთის განმავლობაში.