პიცა
მასალა:
წყალი 0,5ლ.
მარილი 0,5 ჩ/კ.
ზეთი 0,5 ჭიქა
შაქარი 1/3 ჭიქა
საფუარი (დროჟი) 11გრ.
პურის ფქვილი ნახევარკილოიანი ქილით 3 ქილა.
შიგთავსი:
კვერცხი 2ც.
რზე 40მლ.
ღორის ხორცი, კარტოფილი, პომიდორი, მწვანილი, ყველი, ნიორი, პილპილი
და მარილი გემოვნებით.
მომზადება:
წყალს დავამატოთ მარილი, ზეთი, შაქარი, კარგად ავურიოთ და გავაცხელოთ
(არ ავადუღოთ). შემდეგ დავამატოთ საფუარი, ფქვილი და მოვზილოთ ელასტიური ცომი,
ცომი მოვათავსოთ ჯამში, გადავაფაროთ ტილო და გავაჩეროთ რამოდენიმე საათი
ამოსასვლელად. საშუალო ზომის ნაჭრებად ღორის ხორცი და მრგვალად დაჭრილი კარტოფილი
შევწვათ ზეთში დანაყილ ნიორთან ერთად. პომიდორი დავჭრათ მრგვალად. მომზადებული
ცომი მოვათავსოთ ფორმაზე, თავზე მოვაწყოთ შემწვარი კარტოფილი და ხორცი, (თითოეულ
ფენას მოვაყაროთ მარილი და პილპილი), დაჭრილი პომიდორი, ცომს გვერდები
გადავუკეცოთ, მოვასხათ ათქვეფილი კვერცხი (კვერცხი ავთქვიფოთ, დავამატოთ რძე და
კვლავ ავთქვიფოთ), მოვაყაროთ გახეხილი ყველი, დაჭრილი მწვანილი, შევდგათ
აირღუმელში და ვაცხოთ 20 წუთი დაბალ ტემპერატურაზე.
|
