პიცა
მასალა:
გამოდის 3 პიცა:
ცომი:
კვერცხი 1ც.
წყალი 1 ჩ/ჭ.
ძმარი 3 ს/კ.
ზეთი 3 ს/კ.
ფქვილი 3 ჭიქა
მარგარინი 450გრ.
შიგთავსი:
მაიონეზი და კეჩუპი 6 ს/კ.
ლორი და ძეხვი 450გრ.
სოკო (ქამა „შამპინიონი") 600გრ.
ყველი 600გრ.
მომზადება:
კვერცხი ავთქვიფოთ,
დავასხათ წყალი (ოთახის ტემპერატურის), ძმარი, ზეთი, დავაყაროთ ფქვილი და მოვზილოთ
მაგარი ცომი. ცომი გავყოთ 3 ნაწილად, თითოეული ნაწილი გავაბრტყელოთ, წავუსვათ
50გრ. მარგარინი, დავკეცოთ კონვერტისებურად და შევინახოთ მაცივარში (საყინულეში)
15–20 წუთი, ეს პროცედურა გავიმეოროთ სამჯერ. მომზადებული ცომის 1
ნაწილი გამოვიღოთ საყინულიდან,
გავაბრტყელოთ თხლად, მოვათავსოთ გამოსაცხობ ფორმაზე, შემდეგ ცომს
წავუსვათ მაიონეზი და კეჩუპი ერთმანეთში არეული, შემდეგ მოვაწყოთ მრგვალად დაჭრილი
ძეხვი, კუბიკებად დაჭრილი ლორი, დაჭრილი და ზეთში მოთუშული სოკო, მოვაყაროთ
გახეხილი ყველი და გამოვაცხოთ აირღუმელში. მომზადების შემდეგ მოვაყაროთ წვრილად
დაჭრილი მწვანილი. (ასე მოვამზადოთ დანარჩენი ორი პიცაც).
|
