ნიგვზიანი რულეტები
მასალა:
კარაქი 250გრ.
არაჟანი 250გრ.
პურის ფქვილი 2-3 ჭიქა
ვანილი 1 ს/კ.
სოდა 1 ს/კ.
ღვინის ძმარი 1 ს/კ.
გატარებული ნიგოზი 1 ჭიქა
შაქარი 1 ჭიქა
შაქრის ფხვნილი მოსაყრელად.
მომზადება:
კარაქი გავადნოთ, 2 ს/კ. შევინახოთ შიგთავსისთვის, დანარჩენი შევურიოთ
არაჟანს, დავამატოთ ვანილი, სოდა–ძმრით ათქვეფილი, შევაზილოთ გაცრილი ფქვილი და
მოვზილოთ რბილი ელასტიური ცომი. ნიგოზს დავამატოთ შაქარი, შენახული კარაქი, კარგათ ავურიოთ და
შევინახოთ შიგთავსი 10–15 წუთით. ცომი გავყოთ 25 ბურთად. თითოეული ბურთი გავაბრტყელოთ თხლად. ცომის შუაში მოვათავსოთ ნიგვზიანი შიგთავსი, და
გადავახვიოთ რულეტისებურად, დავაწყოთ კარაქწასმულ გამოსაცხობ ფორმაზე და ვაცხოთ
20–25 წუთის განმავლობაში 200* ტემპერატურაზე ოქროსფერი ფერის მიღებამდე.
გამოცხობის შემდეგ გავაცივოთ და მოვაყაროთ შაქრის ფხვნილი.
|
