მწვანე ლობიოს ბორანი

მასალა:

მწვანე ლობიო 1კგ.

წიწილა 1კგ.

ერბო 200გრ.

მწვანე ხახვი 1 კონა

ტარხუნა, ქინძი და ოხრახუში 4–4 ძირი

ქონდარი 1.5 ჩ/კ.

დარიჩინი, მიხაკი (დაფქული) ცოტ–ცოტა

მაწონი  2 ჭიქა

ნიორი 2-4 კბილი

დაფქული შავი პილპილი და მარილი გემოვნებით.

მომზადება:

მწვანე ლობიო დავტეხოთ, მოვხარშოთ და გადმოვიღოთ დუშლაგზე. მაწონს დავამატოთ დანაყილი ნიორი, მარილი და კარგად ავურიოთ. წიწილა დავჭრათ საშუალო ზომის ნაჭრებად და შევწვათ ზეთში. სასურველ ფორმაზე მოვათავსოთ მოხარშული ლობიოს ნახევარი, შემდეგ შემწვარი ქათამის ნაჭრების ნახევარი, მოვასხათ მომზადებული მაწვნის სოუსის ნახევარი, მოვაყაროთ დაჭრილი მწვანილები, თავზე მოვათავსოთ დარჩენილი ლობიო და ქათამი, მოვასხათ მაწვნის სოუსი და მოვაყაროთ მწვანილი. სუფრაზე გავიტანოთ ცხლად.