მწვანე ლობიო ტყემალით

მასალა:

მწვანე ლობიო 500გრ.

ტყემალი 200გრ.

ნიორი 1 კბილი

ქინძი 50გრ.

კამა 2–3 ძირი

რეჰანი 2–3 ძირი

წითელი დაფქვილი წიწაკა და მარილი გემოვნებით.

მომზადება:

ლობიო დავტეხოთ, დავასხათ ცხელი წყალი, მოვხარშოთ, შემდეგ წვენი გადავწუროთ და ლობიო გადმოვიღოთ სასურველ ჭურჭელში. ტყემალი გავრეცხოთ, ჩავყაროთ ქვაბში, მოვხარშოთ, შემდეგ გავხეხოთ, მომზადებულ ტყემალში დავამატოთ დანაყილი ნიორი, წვრილად დაჭრილი ქინძი, კამა, კარგად ავურიოთ, შემდეგ სოუსი წამოვადუღოთ, ადუღების შემდეგ გადმოვდგათ გაზქურიდან, მოვაყაროთ მარილი, წიწაკა, ავურიოთ და მოვასხათ მოხარშულ ლობიოს. (სურვილისამებრ შეგვიძლია გავაფორმოთ რეჰანით ან სხვა მწვანილით).