მწვანე ლობიო

მასალა:

მწვანე ლობიო 500გრ.

ხახვი 2 თავი

პომიდორი 3–4ც.

მზესუმზირის ზეთი 4 ს/კ.

ნიორი 2 კბილი

ქინძი 50გრ.

პეტრუშკა 3 ძირი

რეჰანი 2 ძირი

ქონდარი 2 ჩ/კ.

შავი პილპილი და მარილი გემოვნებით.

მომზადება:

ლობიო დავტეხოთ ნაჭრებად, მოვხარშოთ, ნახარში ჩავასხათ ცალკე ჭურჭელში. პომიდორს მოვაშოროთ კანი და დავჭრათ წვრილად. ტაფაზე დავასხათ ზეთი და ცოტათი მოვთუშოთ წვრილად დაჭრილი ხახვი, დავამატოთ დაჭრილი პომიდორი, ლობიო, 1/4 ჭიქა ლობიოს ნახარში, ვთუშოთ საშუალო ცეცხლზე 10 წუთის განმავლობაში, 2–3 წუთის შემდეგ ნელ ცეცხლზე თავსახურით. გადმოვდგათ გაზქურიდან. ნიორი დავნაყოთ დაჭრილ მწვანილებთან, ქონდართან და მარილთან ერთად, დავამატოთ ლობიოს, მოვაყაროთ მარილი, პილპილი და კარგად ავურიოთ. სუფრაზე გატანის წინ გავაფორმოთ რეჰანის ფოთლებით.