მოხარშული ხბოს ენა ნივრის და ღვინის სოუსში

მასალა:

ხბოს ენა 3ც.

ხახვი 2–3 თავი

თეთრი მშრალი ღვინო 200მლ.

პურის ფქვილი 2 ს/კ.

შავი წიწაკის მარცვლები 10ც.

დაფნის ფოთოლი 2ც.

ნიორი 2 კბილი

ქინძი 1 კონა

ზეთი 50მლ.

მარილი გემოვნებით.

მომზადება:

ხბოს ენა, შავი წიწაკის მარცვლები, დაფნის ფოთოლი და მთლიანი ხახვი ჩავაწყოთ ადუღებულ წყალში, ვხარშოთ 1,5–2 საათი. ხახვი დავჭრათ წვრილად და შევწვათ  ტაფაზე ზეთში დარბილებამდე, შემდეგ დავამატოთ ფქვილი, ავურიოთ და შევწვათ. ტაფაზე დავასხათ ღვინო და 2 ჭიქა ბულიონი (ხბოს ენის), ავურიოთ და ვადუღოთ 10–15 წუთი. ხბოს ენას მოვაცალოთ კანი, დავჭრათ საშუალო ზომის ნაჭრებად და ჩავყაროთ ღვინის სოუსში ტაფაზე, დავამატოთ გატარებული ქინძი, ნიორი, მოვაყაროთ მარილი და მივიყვანოთ ადუღებამდე. მომზადების შემდეგ სუფრაზე გავიტანოთ ცხლად.