მაკარონი ლორით და სოკოთი

მასალა:

მაკარონი 200გრ.

ლორი 300გრ.

სოკო 300გრ.

ხახვი 2 თავი

ყველი 100გრ.

ნაღები 500გრ.

კვერცხი 2ც.

ნიორი 2 კბილი

ზეთი შესაწვავად

მარილი გემოვნებით.

მომზადება:

მაკარონი მოვხარშოთ მარილიან წყალში, გადავავლოთ ცივი წყალი და მოვათავსოთ სასურველ ჭურჭელში. ლორი დავჭრათ პატარა ნაჭრებად. სოკო შვწვათ წვრილად დაჭრილ ხახვთან ერთად ზეთში, მოვაყაროთ მარილი. ცხიმწასმულ გამოსაცხობ ფორმაზე მოვათავსოთ მომზადებული მაკარონი, ლორი, სოკო და კარგად ავურიოთ თავზე მოვასხათ ნაღების სოუსი (რომელსაც შემდეგნაირად ვამზადებთ: ნაღებს ვამატებთ კვერცხს და დანაყილ ნიორს), მოვაყაროთ გახეხილი ყველი და გამოვაცხოთ აირღუმელში დაახლოებით 15–20 წუთის განმავლობაში.