ხაჭოს ვარენიკები შემწვარი სალით

მასალა:

ხაჭო  200გრ.

კვერცხი 1ც.

სალა 50გრ.

ხახვი  1 თავი

ზეთი შესაწვავად

პურის ფქვილი  1,5 ჭიქა (ან რამდენსაც შეიზელს)

ქინძი, წიწაკა და მარილი გემოვნებით.

მომზადება:

ხაჭოს დავამატოთ კვერცხი, ფქვილი, მარილი და მოვზილოთ ცომი. მიღებულ ცომი დავამრგვალოთ კალბასისებურად, დავჭრათ პატარა ზომის ნაჭრებად და მოვხარშოთ მარილიან წყალში. სალა დავჭრათ წვრილად და შევწვათ ზეთში დავამატოთ ნახევარმთვარისებურად დაჭრილი ხახვი, ვთუშოთ 5–6 წუთი შემდეგ გადმოვდგათ გაზქურიდან და ავურიოთ დაჭრილი ქინძი, მიღებული მასა მოვაყაროთ მოხარშულ ვარენიკებს.