ქათამი „მზიანი"

მასალა:

ქათმის ფილე 500გრ.

სტაფილო 500გრ.

ნიორი 2 კბილი

პურის ფქვილი 1 ჭიქა (პლიუს 3 ს/კ. ფქვილი ამოსავლებად)

კვერცხი 5ც.

ქონდარი, როზმარინი, წიწაკა და მარილი გემოვნებით

ზეთი შესაწვავად.

მომზადება:

ქათმის ფილე გავრეცხოთ, დავჭრათ საშუალო ზომის ნაჭრებად, მოვაყაროთ მარილი, წიწაკა, ქონდარი, როზმარინი, კარგად ავურიოთ და გავაჩეროთ 10 წუთი. სტაფილო გავასუფთავოთ, გავხეხოთ, დავამატოთ 1 ჭიქა ფქვილი, კვერცხი, დანაყილი ნიორი და კარგად ავურიოთ. ქათმის ფილე ამოვავლოთ ფქვილში, შემდეგ ამოვავლოთ მომზადებულ სტაფილოს მასაში და შევწვათ ზეთში ორივე მხრიდან.