ქათამი მადრიდულად
მასალა:
ქათამი 1ც.
სოკო (ქამა, შამპინინო)
500გრ.
ხახვი 2 თავი
კარტოფილი 5ც.
წითელი ბულგარული წიწკა
2ც.
ზეთი 3 ს/კ.
თეთრი ღვინო 2 ს/კ.
შავი პილპილი და მარილი
გემოვნებით.
მომზადება:
გასუფთავებული,
გარეცხილი ქათამი მოვხარშოთ, შემდეგ ამოვიღოთ ბულიონიდან (ბულიონი
შევინახოთ), წავუსვათ მარილი და შავი
პილპილი. სოკო და ხახვი დავჭრათ წვრილად, შევწვათ ზეთში, მოვაყაროთ მარილი, დავამატოთ
ცოტა წყალი და მოვთუშოთ სანამ წყალი არ ჩაშრება. შემდეგ ქათამი ამოვავსოთ
მომზადებული შიგთავსით, შევწვათ ზეთში, დავასხათ შენახული ბულიონი, დავამატოთ
საშუალო ზომის ნაჭრებად დაჭრილი კარტოფილი, მრგვალად დაჭრილი ბულგარული წიწაკა და
ვთუშოთ 15 წუთი. შემდეგ დავამატოთ ღვინო და ვთუშოთ ხორცის მომზადებამდე.
მომზადების შემდეგ, ხორცი ამოვიღოთ ბულიონიდან, მოვათავსოთ სასურველ ფორმაზე,
ირგვლივ შემოვუწყოთ მოთუშული კარტოფილი და ზემოდან მოვაყაროთ მოთუშული ბულგარული
წიწაკა. (შეგვიძლია ბულიონთან ერთადაც მივირთვათ).
|
