კვერი
მასალა:
პურის ფქვილი 1კგ.
კვერცხი 1ც.
სულგუნი 1კგ.
მარილი გემოვნებით.
მასალა:
გაცრილ ფქვილში დავამატოთ კვერცხი, მარილი, წყალი (თვალზომით,
რომელსაც ვასხამთ ცოტ–ცოტად) და მოვზილოთ ცომი. (ცომი უნდა გამოვიდეს ერთიანი,
ელასტიური, ახალი პლასტელინის კონსისტენციის), შემდეგ გადავაფაროთ ტილო და
გავაჩეროთ თბილ ადგილას 20–30 წუთი. 20–30 წუთის გასვლის შემდეგ ცომი გავყოთ 45 „ბურთად" თითოეული 18გრ.
თითოეული ბურთი გავაბრტყელოთ, მივცეთ ბლინის ფორმა, სისქით 2მმ. და ირგვლივ
დავიცვათ სიმეტრიულობა. ყველი გავხეხოთ, გავყოთ 20 გრამად თითოეული და ხელით
დავამრგვალოთ ბურთისებურად. ყველის ბურთი მოვათავსოთ გაბრტყელებული ცომის ცენტრში, გადავკეცოთ და
კარგად მოვუკრათ გვერდები. გადაკეცილი გვერდებს ჩანგლით კარგად დავაწვეთ შეერთების ორივე მხრიდან რათა
ხარშვის დროს ყველი არ გამოვიდეს. ადუღებულ მარილიან წყალში ჩავაწყოთ 5–5 ცალი
კვერი, პერიოდულად მოვურიოთ ხის ჯოხით, ვხარშოთ დაბალ ცეცხლზე 3–5 წუთი, შემდეგ
როდესაც ამოცურდებიან ზედაპირზე, ამოვიღოთ კვერები წყლიდან და მოვათავსოთ სასურველ
ჭურჭელზე. სუფრაზე გავიტანოთ ცხლად, კარაქის ნაჭერთან, არაჟანთან ან მაწონთან
ერთად.
|
