კეპილა

მასალა:

საქონლის ხორცი (რბილობი, ცხიმიანი) 1კგ.

ნიორი 2 კბილი

ხახვი 1 თავი

კვერცხი 2ც.

მწვანე ხახვი 50გრ.

ოხრახუში 50გრ.

კოწახური 1 ჩ/კ.

ქინძი 50გრ.

წითელი და შავი დაფქვილი წიწაკა და მარილი გემოვნებით

სიმინდის ფქვილი (ან დაფქვილი სუხარი) ამოსავლებად

ერბო (ან ზეთი) შესაწვავად.

მომზადება:

ხორცი გავატაროთ, ხახვთან და ნიორთან ერთად ხორცსაკეპმანქანაში, დავამატოთ კვერცხი, მოვაყაროთ მარილი, წიწაკა და კარგად ავურიოთ. მწვანე ხახვი და ოხრახუში წვრილად დავჭრათ და ავურიოთ კოწახურში. მომზადებული ხორცის ფარშისგან გავაკეთოთ პატარა ბრტყელი რგოლები, დავაწყოთ მათზე მწვანე მასა, დავადოთ ზევიდან ბრტყელი რგოლი ან გადავახვიოთ რულეტისებურად. შეხვეული რულეტები ამოვავლოთ სიმინდის ფქვილში და შევწვათ ერბოში ორივე მხრიდან, შემდეგ გადმოვიღოთ თეფშზე. ტაფაზე რომელშიც იწვებოდა კეპილა დავასხათ 1/2 ჭიქა წყალი და ავადუღოთ. მომზადებული სოუსი მოვასზათ ზემოდან კეპილას, მოვაყაროთ წვრილად დაჭრილი ქინძი. (შეგვიძლია მოვაყაროთ გამხმარი კოწახურიც სურვილისამებრ).