კვერცხი ქართულად

მასალა:

ბადრიჯანი 3ც.

კვერცხი 4ც.

ნიორი 3–4 კბილი

ქინძი წვრილად დაჭრილი 2 ს/კ.

დაფქვილი შავი პილპილი და მარილი გემოვნებით

ზეთი შესაწვავად.

მომზადება:

ბადრიჯანი გავრეცხოთ, გავაშროთ, გავთალოთ, დავჭრათ წვრილ კუბიკებად, მოვაყაროთ მარილი და გავაჩეროთ 15–20 წუთი. შემდეგ გადავავლოთ წყალი, კარგად გავწუროთ და მოვთუშოთ ტაფაზე ზეთში 1 წუთის განმავლობაში, შემდეგ დავამატოთ დანაყილი ნიორი, პილპილი, მარილი, კარგად ავურიოთ, დავაფაროთ თავსახური და ვთუშოთ ნელ ცეცხლზე დაახლოებით 10 წუთი, შემდეგ მოვხადოთ თავსახური, ჩავასხათ ათქვეფილი კვერცხი, ავურიოთ და შევწვათ 1–2 წუთის განმავლობაში. სუფრაზე გატანის წინ მოვაყაროთ დაჭრილი ქინძი.