კარტოფილის რულეტი

მასალა:

კარტოფილი 1კგ.

სოკო (ქამა)300გრ.

წიწაკა 1–2ც.

ნიორი 2 კბილი

ხახვი 2–3 თავი

სახამებელი (კრახმალი)150გრ.

ზეთი შესაწვავად

დაფქვილი ორცხობილა (სუხარი) თავზე მოსაყრელად

კიტრის მწნილი და მარილი გემოვნებით.

მომზადება:

კარტოფილი გავასუფთავოდ, მოვხარშოთ, დავამატოთ კრახმალი, ცოტა ზეთი, მოვაყაროთ მარილი და კარგად ჩავჭყლიტოთ. ხახვი და ნიორი დავჭრათ წვრილად და მოვთუშოთ ზეთში, 5 წუთის შემდეგ დავამატოთ წვრილად დაჭრილი წიწაკა, ვთუშოთ 5 წუთი, შემდეგ დავამატოთ სოკო, მოვაყაროთ მარილი და ვთუშოთ სითხის აორთქლებამდე, ბოლოს დავამატოთ მრგვალად დაჭრილი კიტრის მწნილი და ავურიოთ. გავშალოთ სველი ტილო, შემდეგ ტილოზე მოვათავსოთ ჩაჭყლეტილი კარტოფილი, თავზე მოვათავსოთ სოკოს ნარევი, გადავახვიოთ რულეტისებურად, მოვათავსოთ ცხიმწასმულ (ტილო ბრთხილად მოვაშოროთ) გამოსაცხობ ფორმაზე, მოვაყაროთ დაფქვილი სუხარი და გამოვაცხოთ აირღუმელში შებრაწვამდე. მომზადების შემდეგ დავჭრათ ნაჭრებად და გავაფორმოთ პომიდორით და მწვანილით.