იტალიური ტეფტელი

მასალა:

ხორცის ფარში (ღორის ან საქონლის) 300გრ.

ხახვი 1 თავი ფარშისთვის + 2 თავი სოუსისთვის

თეთრი პური 3 ნაჭერი

ტომატ–პასტა 2–3 ს/კ.

ზეთი შესაწვავად

ხმელი  რეჰანი, პილპილი და მარილი გემოვნებით.

მომზადება:

ხორცის ფარშს დავამატოთ რძეში ან წყალში დამაბალი პური, წვრილად დაჭრილი ხახვი, მოვაყაროთ მარილი, პილპილი კარგად ავურიოთ და შემდეგ დავკეპოთ (რათა მივიღოთ ერთგვაროვანი მასა). მომზადებული ფარშისგან გავაკეთოთ პატარა ბურთები და ცოტათი შევწვათ ტაფაზე ზეთში, შემდეგ გადმოვიღოთ ტეფტელები ტაფიდან ჯამზე, ხოლო ტაფაზე შევწვათ დაჭრილი ხახვი, შემდეგ დავამატოთ ტომატ–პასტა, ცოტა წყალი, მარილი, რეჰანი და კარგად ავურიოთ (უნდა გამოვიდეს თხევადი სოუსი), შემდეგ სოუსში ჩავყაროთ ტეფტელები (ხორცის ბურთები) და ვთუშოთ 20 წუთი.