ღვიძლი „საიდუმლოთი"

მასალა:

ძროხის ღვიძლი 700გრ.

ნაღები 1 ჭიქა

არაჟანი 100გრ.

ლორი 100გრ.

ყველი 100გრ.

დაფქვილი ორცხობილა (სუხარი) 1 ჭიქა

ხახვი 2 თავი

ზეთი შესაწვავად

კამა, ქონდარი, როზმარინი, პილპილი და მარილი გემოვნებით.

მომზადება:

ხახვი დავჭრათ წვრილად და შევწვათ ზეთში. ლორი და ყველი დავჭრათ თხელ ნაჭრებად. ღვიძლი გავასუფთავოდ და დავჭრათ დიდ ნაჭრებად (ცოტა დავკეპოთ),  თითოეულ ნაჭერზე მოვათავსოთ შემწვარი ხახვი, შემდეგ დავდოთ ლორი, ყველი, კამის ფოთოლი, გადავახვიოთ რულეტისებურად, ამოვავლოთ დაფქვილ ორცხობილაში (სუხარში) და შევწვათ კარგად გაცხელებულ ტაფაზე 3 წუთი თითოეული მხრიდან (თუ რულეტები იშლება შევკრათ მაგარი ძაფით). მომზადებული რულეტები მოვათავსოთ გამოსაცხობ ფორმაზე, მოვასხათ ნაღების სოუსი (რომელსაც შემდეგნაირად ვამზადებთ: ნაღებს დავამატოთ ქონდარი, როზმარინი, პილპილი, მარილი, წვრილად დაჭრილი კამა, არაჟანი და კარგად ავურიოთ) და გამოვაცხოთ აირღუმელში 15–20 წუთის განმავლობაში. გავაფორმოთ მწვანილით.