ღორის ხორცის ყაურმა

მასალა:

ღორის ხორცი (მჭლე) 500გრ.

ხახვი  3–4 თავი

პომიდორი 3ც.

ქინძი 50გრ.

ოხრახუში  5-6 ძირი

ნიორი 1-2 კბილი

წითელი ცხარე წიწაკა  1ც.

მარილი გემოვნებით

კარაქი  შესაწვავად.

მომზადება:

ხორცი დავჭრათ პატარა ნაჭრებად და შევწვათ კარაქში, დავამატოთ ნახევარმთვარისებურად დაჭრილი ხახვი და ვწვათ 2–3 წუთი, შემდეგ დავამატოთ კანგაცლილი წვრილად დაჭრილი პომიდორი, მოვაყაროთ მარილი და ვთუშოთ 5–10 წუთი. შემდეგ გადმოვდგათ გაზქურიდან, დავამატოთ წვრილად დაჭრილი მწვანილები, დანაყილი ნიორი, დაჭრილი წიწაკა და კარგად ამოვურიოთ. გავაფორმოთ სალათის ფოთლებით. სუფრაზე გავიტანოთ ცხლად.