ბრინჯის და პრასის ფხალი ქართულად

მასალა:

გრძელი ბრინჯი 1 ჭიქა

პრასი 2 ძირი

მზესუმზირის ზეთი 4 ს/კ.

ნიორი 2 კბილი

ხმელი ქინძი 1 ჩ/კ.

იმერული ზაფრანა 1 ჩ/კ.

ქინძი 3–4 ძირი

დაფქვილი შავი პილპილი და მარილი გემოვნებით.

მომზადება:

მარილიან წყალში მოვხარშოთ ბრინჯი (წყალი მთლიანად უნდა ჩაიშროს). პრასს მოვაშოროთ მწვანე ნაწილი, ხოლო თეთრი ნაწილი დავჭრათ მრგვალად, შევწვათ ზეთში დანაყილ ნიორთან ერთად, შემწვარი პრასი დავამატოთ მოხარშულ ბრინჯს, მოვაყაროთ მარილი, წიწაკა, ზაფრანა, ხმელი ქინძი, წვრილად დაჭრილი ქინძი და კარგად ავურიოთ.