ბატკნის ნეკნების ხარჩო

მასალა:

ბატკნის ნეკნები 1კგ.

წითელი ღვინო 1 ს/კ.

კეჩუპი 1 ს/კ.

ხახვი 2–3 თავი

ნიორი 3 კბილი

სტაფილო 1ც.

გრძელი ბრინჯი 1 ჭიქა

სოიოს სოუსი 1 ს/კ.

ქინძი, წიწაკა და მარილი გემოვნებით.

მომზადება:

ქვაბში ჩავასხათ ზეთი ჩავყაროთ დაჭრილი ბატკნის ნეკნები, დავამატოთ წითელი ღვინო და სოიოს სოუსი. სანამ ხორცი ითუშება ჩავამატოთ დაჭრილი ხახვი, გრძლად დაჭრილი სტაფილო, კეჩუპი, წიწაკა, კარგად ავურიოთ, ვთუშოთ 5–7 წუთი, შემდეგ დავასხათ 2 ლიტრზე მეტი ადუღებული წყალი და ვხარშოთ 30–40 წუთი. 30–40 წუთის შემდეგ ჩავყაროთ ბრინჯი და გავაჩეროთ გაზქურაზე ბრინჯის მოხარშვამდე. მომზადებამდე 5 წუთით ადრე დავამატოთ წვრილად დაჭრილი ქინძი, დანაყილი ნიორი, მარილი, კარგად ამოვურიოთ და კერძი მზადაა.