აჯაფსანდალი პომიდვრით

მასალა:

ბადრიჯანი 500გრ.

ხახვი 2 თავი

ტკბილი (ბულგარული) წიწაკა 2ც.

ნიორი 2 კბილი

პომიდორი 800გრ. 

ზეთი 2ს/კ

ოხრახუში, ქინძი, რეჰანი, ქონდარი, კამა და მარილი გემოვნებით. 

მომზადება:

ბადრიჯანს მოვაჭრათ ყუნწი, გავრეცხოთ, შევწვათ უცხიმოდ, მოვაცილოთ კანი და დავანაწილოთ სიგრძივ. წვრილად დაჭრილი ხახვი მოვშუშოთ ზეთში. პომიდორი გავფცქვნათ, დავჭრათ, წამოვადუღოთ, გავხეხოთ საცერში, დავასხათ მოშუშული ხახვს, დავამატოთ დანაყილი ნიორი, გათუთქული და დაჭრილი ტკბილი წიწაკა და ვხარშოთ შესქელებამდე. შევურიოთ გამზადებული ბადრიჯანი, წვრილად დაჭრილი ოხრახუში, ქინძი, რეჰანი, ქონდარი, კამა, მოვაყაროთ მარილი, ვადუღოთ 5 წუთი, გადმოვდგათ ცეცხლიდან და შევაგრილოთ.