აჯაფსანდალი ''ქალაქური''

მასალა:

5ც. ბადრიჯანი

3ც. კარტოფილი

2 თავი ხახვი

500გრ. პომიდორი

2 ს/კ. კარაქი ან ზეთი

ქინძი, ოხრახუში, რეჰანი, პიტნა, ქონდარი, კამა, წიწაკა, მარილი - გემოვნებით.

მომზადება:

ბადრიჯანს მოვაჭრათ ყუნწი, გავრეცხოთ და დავჭრათ მრგვალ ნაჭრებად. კარტოფილი გავთალოთ, გავრეცხოთ და დავჭრათ ოთხკუთხედებად, პომიდორი თხელ ნაჭრებად, ოხრახუში, რეჰანი, ქინძი, პიტნა, ქონდარი, კამა - წვრილად. ქვაბში მოვათავსოთ დაჭრილი ხახვი, შემდეგ ბადრიჯანი, წიწაკა, კარტოფილი, მწვანილი, მოვაყაროთ მარილი, დავამატოთ ცხიმი, მომზადებული პომიდორი, დავახუროთ სახურავი და ვხარშოთ ნელ ცეცხლზე 1 საათის განმავლობაში.