აჭარული (მაჯუნი)

მასალა:

გრძელი ბრინჯი 1კგ.

შაქარი 1/4 ჭიქა

თაფლი 100გრ.

დაფქვილი შავი პილპილი 1 ჩ/კ.

კარაქი წასასმელად.

მომზადება:

ქვაბში ავადუღოთ 2ლ. წყალი, ჩავყაროთ გარეცხილი ბრინჯი და ვხარშოთ დაბალ ცეცხლზე ერთიანი მასის მიღებამდე (არანაკლებ 30 წუთი), შემდეგ დავამატოთ შაქარი, თაფლი, შავი პილპილი, კარგად ავურიოთ, დავაფაროთ თავზე და გავაჩეროთ 5 წუთი. მომზადებული ცხელი მასა მოვათავსოთ ცხიმწასმულ ფორმაზე, გავათანაბროთ კოვზით, დავჭრათ დანით სასურველი ფორმის ნაჭრებად და გავაცივოთ დაახლოებით 1 საათი. შემდეგ დავაწყოთ თეფშზე და გავიტანოთ სურაზე. (შაქარი და თაფლის რაოდენობა შეგვიძლია გავზარდოთ ან შევამციროთ გემოვნების მიხედვით, მაგრამ თაფლის გემო კარგად უნდა იგრძნობოდეს).