ზუთხი ტომატის სოუსით

მასალა:

ზუთხი 1 კგ.

პომიდორი  1 კგ.

ხახვი  3-4ც.

ნიორი  4 კბილი

მცენარეული ზეთი  5 ს/კ.

ოხრახუში, დაფქვილი წიწაკა და მარილი გემოვნებით.

მომზადება:

გასუფთავებული თევზი დავჭრათ საშუალო ზომის ნაჭრებად და შევწვათ ზეთში. პომიდორი გავატაროთ, დავუმატოთ 2 ს/კ. ზეთი, გატარებული ნიორი, წვრილად დაჭრილი ოხრახუში, მრგვალად დაჭრილი ხახვი, მოვაყაროთ წიწაკა, მარილი და მოვთუშოთ 5–7 წუთის განმავლობაში. სუფრაზე მიტანის წინ, თევზი მოვათავსოთ თეფშზე და მოვასხათ მომზადებული სოუსი.