ცხვრის ხორცის ბუღლამა

მასალა:

ცხვრის ხორცი 1 კგ

ხახვი 500 გ

პომიდორი  1 კგ

კარტოფილი  800 გ

ქინძი  2 კონა

პილპილი, მარილი გემოვნებით.

მომზადება:

დავჭრათ ხახვი ძალიან წვრილად. ცხვრის მსუქანი ხორცი გავრეცხოთ და დავჭრათ. პომიდორი გავფცქვნათ და წვრილად დავჭრათ, კარტოფილი გავთალოთ და შუა-შუა გავჭრათ. ქვაბში ერთ ფენად ჩავყაროთ დაჭრილი ხახვი, შემდეგ დავაწყოთ ხორცი, კარტოფილი, დავასხათ პომიდორი, მოვაყაროთ პილპილი ან წიწაკა, მარილი და დაჭრილი ქინძი. თავდახურული ქვაბი დავდგათ ნელ ცეცხლზე და ვხარშოთ. ახალი პომიდვრის მაგივრად შეიძლება ვიხმაროთ ტომატი ან ერთ ჩაის ჭიქა წყალში გახსნილი პიურე.