ცხვის ხორცის მწვადი ბადრიჯნით

მასალა:

ცხვრის (მკერდის ნაწილი) რბილობი  500გრ.

ბადრიჯანი 350გრ.

წითელი ცხარე წიწაკა  5-6ც.

ვაშლის  ძმარი  100გრ.

მცენარეული ზეთი  40გრ.

დაფქვილი შავი პილპილი და მარილი გემოვნებით.

მომზადება:

ხორცი გავრეცხოთ, დავჭრათ 40გრ. ნაჭრებად, მოვაყაროთ მარილი, წიწაკა, მოვასხათ ძმარი და დავამარინადოთ 4 საათი. ბადრიჯნებს გავუკეთოთ ღრმა, გრძელი ჭრილი და ჩავაწყოთ დამარინადებული ხორცის ნაჭრები. ფარშირებული ბადრიჯანი ავაცვათ შამფურზე ისე რომ გადიოდეს ბადრიჯნის ორივე ბოლოზე, თან გაიაროს ხორცის ყველა ნაჭერი და შევწვათ ორივე მხარეს, შეწვის დროს მივასხუროთ ზეთი. სუფრაზე გავიტანოთ წითელ ცხარე წიწაკასთან ერთად.