წიწილა საკაზმით

მასალა:

წიწილა 1ც.

ნიორი  4-6 კბილი

ვაშლის ან ღვინის ძმარი  3-4 ს/კ.

ერბო  100გრ.

პომიდორი  2ც.

კიტრი  2ც.

დაფქვილი წითელი წიწაკა  1 ჩ/კ.

ხმელი ქინძი  1 ჩ/კ.

მარილი გემოვნებით.

მომზადება:

მთლიანი წიწილა გავჭრათ, მოვაყაროთ მარილი, დავასხათ ძმარი და გავაჩეროთ 1 საათი. შესაკაზმად ნიორი დავნაყოთ, დავამატოთ წიწაკა, ქინძი, მარილი, 1 ჩ/კ. ძმარი და კარგად ავურიოთ. აღნიშნული მასა თანაბრად წავუსვათ წიწილას როგორც შიგნიდან ისე გარედან. შევწვათ წიწილა გაცხელებულ ერბოში, სპეციალურ ქვაბში (ან ტაფაზე). ორივე მხრიდან. შემწვარი წიწილა გავაფორმოთ მრგვალად დაჭრილი კიტრით და პომიდორით.