წითელი ტყემლის საწებელი

მასალა:

წითელი ტყემალი1 კგ.

ნიორი 6 კბილი

კამა და ქინძი 50გრ.

ომბალო 50გრ.

ხმელი ქინძი 2 ჩ/კ.

დაფქვილი  წითელი წიწაკა და მარილი გემოვნებით

მომზადება:

ტყემალს დავასხათ წყალი ისე რომ ცოტა ფარავდეს, მივიყვანოთ წყალი ადუღებამდე, დავუკლოთ ტემპერატურას და ვხარშოთ ტყემალი დარბილებამდე (დაახლოებით 15–20 წუთი) ვურიოთ, შემდეგ გადმოვდგათ გაზქურიდან გადმოვიღოთ დუშლაგზე, წვენი შევინახოთ ცალკე ჭურჭელში, ტყემალი კი გავცხრილოთ (გული და კანი მოვაშოროთ).მიღებული მასა დავდგათ გაზქურაზე, წამოვადუღოთ და  შემდეგ გადმოვდგათ. საწებელს დავამატოთ ძალიან წვრილად დაჭრილი მწვანილები, დანაყილი ნიორი, მოვაყაროთ მარილი, წიწაკა, ხმელი ქინძი და კარგად ავურიოთ. თუ საწებელი ძალიან სქელი გამოვიდა დავამატოთ ცოტა ტყემლის ნახარში.ჩავასხათ ქილაში და დავახუროთ სახურავი.